تسويق مواقع الحجوزات الإلكترونية – دراسة الحالة

حبينا نشارككم  دراستنا و تحليلنا لي تسويق مواقع الحجوزات الإلكترونية اللي بتقدم خدمات الحجز الإلكتروني كخدمة أساسية، البوست دا هيكون مفيد ليك جداً لو انت بتحاول تتعلم ازاي تستغل التسويق الإلكتروني بشكل عملي و محتاج تتعلم ازاي تحقق نتائج مؤثرة لشركتك في المجال ده،

ليه شركات الحجوزات محتاجة تسويق الكتروني وموقع خاص بيها؟

هذه المدونة  هتساعدك إزاي تفهم  و تستغل تسويق مواقع الحجوزات الإلكترونية بشكل عملي و ازاي تحقق نتائج مؤثرة لشركتك في هذا  المجال .هنا هنكلم على بعض دراست و تحليل تسويق مواقع الحجوزات الإلكترونية

محتاجين نفهم يعني ايه موقع حجوزات الإلكترونية؟!

هو موقع الإلكتروني يستطيع العميل أو المسافر يحجز عليه تذاكر طيران، وسائل نقل، فنادق أو رحلات المقدمة من شركتك أو نشاطك التجاري و متابعة حالة الحجز و تأكيده كما يستطيع متابعة العروض الجديدة المقدمة من شركتك. العميل هيقدر يشوف معلومات مفصلة عن الرحلاتك المقدمة و كمان يوصل لكامل القيمة و الجودة المقدمة من هذه الشركة.

علشان نعرف أهمية تسويق مواقع الحجوزات الإلكترونية محتاجين نحدد مبدأيا الشركة اللي هنسوق خدمتها دي طريقة تقديم خدمة الحجز لعملائها ايه! أول نوع هو الشركات الوسيطة يعني طريقتها في تقديم الخدمة  بتحجز للعميل في الفنادق و الأماكن السياحية المنشودة، تاني نوع هو شركة بتقدم خدمة الحجز الإلكتروني وبتدعمه لخدماتها نفسها… زي خدمات حجز و تأجير وسائل النقل.

 لو اتكلمنا من جانب التسويق الإلكتروني في المجال دا هنقول ان التسويق الإلكتروني لمجال الحجوزات الإلكترونية بيمكنك من التواصل مع عدد أكبر مع العملاء و تحقيق مبيعات بتكلفة أقل من تكاليف العمليات الأخرى التقليدية التي تتم في التسويق التقليدي، و مع انتشارشبكات التواصل الإجتماعي وزيادة عدد الأشخاص المستخدمين لها يوم بعد يوم و يمكنك التوصل مع عدد كبير من الأشخاص والحصول على عملاء والتواصل معهم ومعرفة مدى تفاعلهم مع العروض المقدمه.

تسويق مواقع الحجوزات الإلكترونية

هنبدأ بأول طريقة وهي التسويق على مواقع التواصل الإجتماعي (فيس بوك, جوجل بلس,…)، و تعتبر مواقع التواصل الإجتماعي من أهم و أكتر الطرق تفاعل في الطرق التسويقية المتبعة في الأيامنا .

 خدمات الحجز اصبحت اقرب بشكل كبير من شبكات التواصل الإجتماعي من حيث الطلب، فأصبح من السهل التواصل مع العملاء وعرض خدماتك على هذه المواقع بشكل أسرع و أفضل.

 ثاني طريقة وهي التسويق البريدي، التسويق البريدي هو الترويج و التسويق لخدمة الحجز اللي بتقدمها عن طريق البريد الإلكتروني.

 يطبق التسويق البريدي عن طريق:

 إرسال نشرة إعلانية،عرض تجاري، رسالة تأكيدية، تنبيهات و تجديدات متعلقة بخدمات و رحلات الشركة وما يتعلق بموقعها الإلكتروني.

ومن أهم فوايد التسويق البريدي  في حالة أن متابع موقعكم  لم يقم بزيارة الموقع لمدة  زمنية ويمكنك إرسال آخر عروضك و أخبار شركتك للعميل علي بريده الإلكتروني، ستجعل العميل يصل إلي عرضك أو تنبيه العميل وهذا سيؤدي إلي علاقات قوية مع عملائك و ستظل في تفكيره مرتبطاً بجودة الخدمة و المتابعة الجيدة وهذا سيجعلك الإختيار الأول لديه في حالة التسوق أو طلب الخدمات.

ثالث طريقة هي تسويق محركات البحث، و يتم العمل على ظهورالموقع في نتائج البحث الأولي لمحركات البحث(جوجل) و ذلك يكون معتمد علي اهم كلمات البحث المتعلقة بخدمات الحجز، فظهورالموقع في محركات البحث يتوقف علي عاملين مهمين:

اولاً التقدم الطبيعي لظهور الموقع، وهو ينتج عن عملية السيو(SEO) و هو تأهيل الموقع لمحركات البحث و العمل علي تقدم تقييمه بالنسبة لمحرك البحث عن طريق العمل علي محتوي قيم للصفحات و وضع الكلمات الدلالية متعلقة بالحجزو بأعلي كلمات بحث من قبل الزوار و التأكد من عدم وجود أخطاء إملائية أو برمجية بالموقع.

ثانياً زيادة عدد زيارات الموقع عن طريق الإعلانات المدفوعة، و هي الإعلانات الممولة علي الموقع الإعلانية مثل فيس بوك و تويتر وجوجل ادوردس.

 أخر طريقة عندنا هي الإعلانات المرئية، فإنه عن طريق الترويج ببنرات المواقع الاعلانيه ، و التركيزعلي الإعلانات عن طريق الوسائط المتعددة لجذب الزوار الأونلاين و توصيل القيمة المقدمة من شركتك.

 فالهدف من هذه الطريقة هو استخدام هذه الإعلانات كوسيلة ربط جذابة لدفع الزائر لزيارة الموقع الإلكتروني للشركة و طلب خدمات الشركة من حجزت وغيرها من الموقعك الإلكتروني .

يلا  نشوف ده على مثال حي من أشهَر موقع الحجوزات

الموقع دا هو booking.com ، فاحنا فالأول عايزين نتعرف على booking.com  هي شركة تأسست عام 1996 وهدفها توفير طريقة سهلة وفعالة وغير مكلفة للمسافرين بغرض الترفيه والعمل و لإختيار وحجز أماكن الإقامة والسفر من مجموعة كبيرة من الاختيارات المتاحة أمام العميل، كمان هنلاقي من المميزات المهمة للموقع إنه بيضمن أقل الأسعار المتوفرة، من المميزات المهمة للموقع هنلاقي عليه  قائمة بأكترالأماكن الأعلى تقييما من العملاء اللي سفرت قبل كده, بالإضافة إن خدمة الحجز في الموقع مجانية.  

كمان الموقع ليه حساب خاص على جميع مواقع التواصل الإجتماعي والتعتبرمن أهم وأكتر الطرق تفاعل مع العملاء في الطرق التسويقية المتبعة في صفحة الفيس بوك الخاصة بيهم وصل عدد المتابعين للصفحة أكتر من 4 مليون متابع وبرضو حسابهم على تويتر عليه اكتر من 86 ألف متابع وجوجل بلس موجود عليه أكتر من 4 مليون متابع وغيرهم من المواقع ودايماً هنلاقيهم منزلين كل كام يوم بوست أو تويت جديدة فيه أحدث العروض اللي بيقدموها وخدماتهم و اللي من خلاله بيتفاعل مع الأعضاء وبيتواصل معاهم وبينزل العروض بتعته والخدمات اللي بيقدمها، كمان  بيعمل حملات إعلانية ممولة على الفيس بوك وعلى جوجل ادوورد واللي من خلالهم بيقدر يزود عدد زيارات الموقع بتاعه.

بيستخدم البريد الإلكتروني للترويج عن الموقع بتاعه، ودا عن طريق إنه بيبعت  نشراته الإعلانية، عروضه التجاريه، و تجديدات متعلقة بخدماته اللي بيقدمها ، كل دا بتكلفة ووقت أقل من طرق التسويق العادية.

 و بكدا نبقي قدمنا أهم الطرق المستخدمة في التسويق الإلكتروني مع تطبيق حي  واللي هي أساس لنجاح أي موقع إلكتروني بيقدم خدمات الحجزفي المقال القادم هنكلمكم عن مواصفات الموقع الإلكتروني الخاص بالحجوزات وعرض مثال حي عن اهم مواقع الحجوزات في العالم .

شاهد أيضاً

عرض بيانات العقار - خصائص ‏فى الموقع الإلكتروني العقاري

عرض بيانات العقار – خصائص فى الموقع الإلكتروني العقاري

‫حلقات #خصائص_‏فى_الموقع بتناقش الخصائص و العمليات المطلوبة في المواقع الإلكترونية و مقال اليوم عن الخصائص …