مواقع الحجز الإلكتروني

المقال دا هيساعدك تحدد مواصفات مواقع الحجز الإلكتروني وازاي يبقي موقعك مفيد بالنسبالك ويساعدك في شغلك وليس موقع للعرض فقط ،هنعرض مجموعة من الصفات والعمليات و هنتكلم عن أهميتها و دورها تجاه العميل أو زائر لموقعك.

 يعني ايه مواقع الحجز الإلكتروني ؟!

هي مواقع الحجز الإلكتروني اللي بيقدر العميل أو المسافر يحجز عليها تذاكر طيران، وسائل نقل، فنادق أو رحلات المقدمة من شركتك أو نشاطك التجاري.

 العميل هيقدر يشوف معلومات مفصلة عن رحلاتك المقدمة و يقدر يوصل لكامل قيمة و جودة تقديم خدمة السفر أو الحجز من الشركة دي.

العميل لازم يقدر من خلال الموقع يحجز رحلاته بسهولة ويتابع العروض الجديدة المقدمة من شركتك ويقدر يعمل كل العمليات المتعلقة بالرحلات المقدمه من شركتك، زي متابعة حالة الحجز و تأكيده.

 علشان نعرف أهمية مواقع الحجز الإلكتروني لشركة الحجوزات محتاجين نحدد مبدأيا الشركة اللي هنعرض خدمتها دي طريقة تقديم خدمة الحجز لعملائها ايه!

أول نوع هو الشركات الوسيطة يعني طريقتها في تقديم الخدمة بتحجز للعميل في الفنادق والأماكن السياحية المنشودة

 تاني نوع هو شركة بتقدم خدمة الحجز الإلكتروني وبتدعمه لخدماتها نفسها… زي خدمات حجز و تأجير وسائل النقل.

أهمية أن يكون عندك موقع إلكتروني في هذا المجال هيساعدك  للوصول لأكبر عدد من المستخدمين الإنترنت  وجعلهم عملاء محتملين، كما هيسهل تواصل العميل معك فالعميل يقدر يحجز من على موقعك من أي مكان وفي أي وقت وكمان ممكن يستفسر عن الحجز .

أهم الحاجات اللازم تاخد بالك منها في موقعك :

أول حاجه هي تصميم و شكل الموقع: لازم التصميم جميل و جذاب و يكون بيعبر عن شركتك و بنفس ألوان دعاية شركتك الحقيقي، طبعاً لازم العميل يقدر يميز دعايتك من شكلها و يقدر يشوف اللوجو بتاعك واضح في أول الموقع. كمان التصميم يكون متوافق لأي جهاز هيفتح منهالموقع  سواء كمبيوتر, موبيل, أو التابلت.

ثاني حاجه هو التنظيم في عرض المحتوي : يكون منظم وجميع المعلومات في الموقع  واضحة و سهل الوصول إليها.

ثالث حاجه سرعة التحميل للموقع: لازم الموقع مياخدش وقت طويل في التحميل ويظهر بسرعة لزائر الموقع عشان العميل ميزهقش من الانتظار.

رابع حاجه هي الحماية القوية و المتجددة: لازم الموقع يوفر الحماية لبياناتك و بيانات عملائك و دا محتاج الإهتمام بنقط برمجية كتيروهذا  مش مهم بس بالنسبالك كصاحب موقع مهم كمان لعملائك و بيبنوا عليه الثقة في موقعك والتعامل معك.

خامس حاجه هي التحكم بنسخ الحفظ الاحتياطية Backups لبيانات الموقع: لازم الموقع يوفر امكانية حفظ البيانات الحالية المنشورة  في الموقع و تحميلها علي شكل نسخ حفظ يمكن حفظها و تحميلها. ففي حالة حدوث خلل هتقدر ترجّع الموقع تاني كما كان في السابق .  

سادس حاجه هي توافر وسائل الإتصال الخاصة بالتواصل معك: زي الإيميلات وأرقام التليفون و إيميل الإسكاي و خريطة صفحات الموقع عشان يقدر المستخدم أو العميل يتواصل معك بسهولة.

اخر وأهم حاجه لازم يتربط الموقع الإلكتروني بمواقع التواصل الإجتماعي (فيس بوك, تويتر, جوجل بلس) لإن كل الناس دلوقتي بقت على المواقع دي فنقدر نجذب عدد أكتر من المستخدمين والعملاء عن طريقهم ونخليهم يدخلوا الموقعك .

و بكدا نبقي قدمنا أهم الخصائص اللي يجب توافرها في موقعك الإلكتروني عشان يبقى موقع ناجح مش للعرض فقط .

ممكن تعرف  المزيد عن التسويق الإلكتروني لمواقع الحجوزات عن طريق متابعة مقالات مجتمعنا التسويقي من هنا